Saindhav Movie : విక్టరీ వెంకటేశ్ గత ఏడాది వచ్చిన ‘ఎఫ్ 3’ సినిమామంచి హిట్ ను అందుకున్నారు. ప్రస్తుతం వెబ్ సిరీస్, సినిమాలతో బిజీగా ఉన్నారు. ఇక ఇప్పుడు ఆయన కెరీర్ లో 75 వ సినిమాలో నటించనున్నారు వెంకటేశ్. ఈ నేపథ్యంలోనే తాజాగా తన అభిమానులకు గుడ్ న్యూస్ చెప్పారు వెంకీ. శైలేశ్ కొలను దర్శకత్వంలో వెంకటేశ్ ఒక సినిమా చేయనున్న విషయం తెలిసిందే. తాజాగా ఈ సినిమా టైటిల్ ను ఖరారు చేస్తూ ఫస్టు గ్లింప్స్ ను రిలీజ్ చేశారు. ‘సైంధవ్’ అనే టైటిల్ తో కూడిన పోస్టర్ ను వదిలారు. నిహారిక ఎంటర్‌టైన్‌మెంట్స్ పతాకం పై వెంకట్ బోయినపల్లి ఈ చిత్రాన్ని నిర్మిస్తున్నాడు.
ఈ మధ్య అన్ని ఫ్యామిలీ ఓరియెంటెడ్ సినిమాలే చేస్తున్న వెంకటేష్.. చాలా కాలం తర్వాత ఈ మూవీలో సీరియస్ లుక్‌లో పవర్-ప్యాక్డ్ రోల్ పోషిస్తున్నట్లు స్పష్టమవుతోంది. అయితే ఈరోజు 11:07 నిమిషాలకు టైటిల్ అనౌన్స్ చేస్తూ రెండు నిముషాలు నిడివి ఉన్న గ్లింప్స్ ని రిలీజ్ చేశారు. ఆ వీడియో గ్లింప్స్ లో.. ఒక పోర్ట్ ఏరియాలో వెంకటేష్ నడుచుకుంటూ వెళ్లి.. బైక్ మీద ఉన్న బాక్స్ లో నుంచి కెమికల్ బాంబు ఒకటి తీసి చూస్తాడు. ఆ తరువాత వెపన్స్ ఉన్న కంటైనర్ లోకి వెళ్లి గన్ తీసుకోని బయటకి వచ్చి బైక్ మీద కూర్చొని డైలాగ్ చెబుతాడు. ‘నేను ఇక్కడే ఉంటాను. ఎక్కడికి వెళ్ళాను, రమ్మను’ అని ముందు కొట్టిపడేసిన రౌడీలకు చెబుతాడు.
ఇక ఈ టీజర్ చూస్తుంటే గ్యాంగ్ వార్ నేపథ్యంలో ఈ సినిమా ఉండబోతున్నట్లు తెలుస్తుంది. గడ్డంతో కనిపించిన వెంకీ మాస్ అవతార్ అభిమానులను థ్రిల్ చేస్తోంది. ఈ మూవీకి సంతోష్ నారాయణన్ సంగీతం అందిస్తున్నారు. ముఖ్యంగా ఈ వీడియోలో బ్యాక్ గ్రౌండ్ మ్యూజిక్ కూడా గూస్ బంప్స్ ఇస్తోంది. ఇక ఈ చిత్రాన్ని తెలుగుతో పాటు.. తమిళ, హిందీ, మలయాళం, కన్నడ, భాషల్లో రిలీజ్ చేయనున్నారు.
