హీరో సందీప్ కిషన్ రొమాంటిక్ యాక్షన్-ప్యాక్డ్ పాన్ ఇండియా ఎంటర్ టైనర్ ‘’మైఖేల్’. రంజిత్ జయకోడి దర్శకత్వం వహిస్తున్నారు. విజయ్ సేతుపతి, వరలక్ష్మీ శరత్ కుమార్, దివ్యాంశ కౌశిక్, వరుణ్ సందేశ్, గౌతమ్ మీనన్, కీలక పాత్రలు పోషిస్తున్నారు. కరణ్ సి ప్రొడక్షన్స్ ఎల్‌ఎల్‌పి, మోస్ట్ హ్యాపెనింగ్ ప్రొడక్షన్ హౌస్ శ్రీ వెంకటేశ్వర సినిమాస్ ఎల్‌ఎల్‌పి కలిసి ఈ చిత్రాన్ని భారీగా నిర్మించాయి.
భరత్ చౌదరి, పుస్కూర్ రామ్ మోహన్ రావు సంయుక్తంగా నిర్మిస్తున్న ఈ చిత్రానికి నారాయణ్ దాస్ కె నారంగ్ సమర్పకులు. ఇప్పటికే విడుదలైన మైఖేల్ టీజర్, ట్రైలర్, పాటలకు ట్రెమండస్ రెస్పాన్స్ వచ్చింది. మైఖేల్ ఫిబ్రవరి3న ప్రపంచవ్యాప్తంగా గ్రాండ్ గా రిలీజ్ కానున్న నేపధ్యంలో చిత్ర యూనిట్ గ్రాండ్ గా ప్రీరిలీజ్ ఈవెంట్ నిర్వహించింది. నేచురల్ స్టార్ నాని ముఖ్య అతిధిగా హాజరైన మైఖేల్ ప్రీరిలీజ్ వేడుక గ్రాండ్ సక్సెస్ అయ్యింది.
నేచురల్ స్టార్ నాని మాట్లాడుతూ.. మైఖేల్ టీజర్, ట్రైలర్, విజువల్స్, పెర్ఫార్మెన్స్ లు చూస్తుంటే కొత్త ఒరవడి మొదలౌతుందనిపిస్తుంది. చాలా సంవత్సరాలకి ఒక సినిమా కొత్తగా కనిపిస్తుంది. ‘శివ’ వచ్చినప్పుడు మిగతా సినిమాలతో కొత్తగా అనిపించింది. అలాంటి సినిమా మైఖేల్ అవ్వాలని కోరుకుంటున్నాను. ట్రైలర్ చూపిన ఎనర్జీ సినిమాలో వుంటే అందరూ భుజాన తీసుకొని మోస్తారు. అందులో డౌట్ లేదు. సునీల్ గారు మోహన్ గారు భరత్ గారు చాలా ప్యాషన్ గల నిర్మాతలు. మైఖేల్ మైల్ స్టోన్ మూవీ అవ్వాలని మనస్ఫూర్తిగా కోరుకుంటున్నాను.
కష్టం, ప్రతిభ, అదృష్టం ఈ మూడు కలిసొస్తే చాలా టాప్ పొజిషన్ లోకి వెళ్తారు. సందీప్ లో కష్టం, ప్రతిభ నిరంతరం కనిపించింది. అదృష్టం కనిపించలేదు. మైఖేల్ తో అది మొదలౌతుందని నమ్ముతున్నాను. మైఖేల్ సందీప్ కి చాలా పెద్ద సక్సెస్ ఇవ్వాలి. తన కష్టానికి ప్రతిఫలం దక్కాలని కోరుకుంటున్నాను. దివ్యాంశ చాలా అందంగా కనిపిస్తోంది. దర్శకుడు రంజిత్ చాలా కొత్తగా తీశారు. కౌశిక్ చాలా మంచి టోన్ ఇచ్చారు. వరుణ్ కి మైఖేల్ లో సరైన క్యారెక్టర్ పడింది. ఇక్కడి నుండి యాక్టర్ వరుణ్ సందేశ్ ని చూస్తామని అనుకుంటున్నాను. టీం అందరికీ ఆల్ ది బెస్ట్. ఫిబ్రవరి 3 మైఖేల్ ని థియేటర్స్ లో చూసి టీంని బ్లెస్ చేసి బ్లాక్ బస్టర్ చేయాలని మనస్పూర్తిగా కోరుకుంటున్నాను’’
